Kim Çen In Prezident İlham Əliyevə təbrik ünvanlayıb

Koreya Xalq Demokratik Respublikasının Dövlət Şurasının sədri Kim Çen In Prezident İlham Əliyevi Respublika Günü münasibətilə təbrik edib.

Yeniavaz.com xəbər verir ki,təbrikdə deyilir:

"Azərbaycanın milli bayramı – Respublika Günü münasibətilə Koreya Xalq Demokratik Respublikasının Hökuməti və xalqı adından Sizin dost ölkənin hökumətinə və xalqına ən səmimi təbriklərimi çatdırıram.

Koreya ilə Azərbaycan arasında dərin tarixə malik dostluq və əməkdaşlıq əlaqələrinin hər iki xalqın arzusu və istəyinə uyğun olaraq daim inkişaf edəcəyinə əminliyimi bildirir, Sizə və xalqınıza Azərbaycanın tərəqqisi naminə fəaliyyətinizdə böyük uğurlar arzulayıram".