İki ildə Penitensiar xidmətin 470-ə yaxın əməkdaşı intizam məsuliyyətinə cəlb olunub

"İki il ərzində 40 nəfər ədliyyə orqanlarından xaric edilib və ya vəzifədən azad olunub".

Yeniavaz.com xəbər verir ki, bu sözləri Penitensiar xidmətlə videokonfrans formatında keçirilən müşavirədə Ədliyyə naziri Fikrət Məmmədov deyib. O bildirib ki, vətəndaşların haqlı narazılığına səbəb olan pozuntulara, o cümlədən korrupsiyaya şərait yaradan hallara görə son iki ildə Penitensiar xidmətin 470-ə yaxın əməkdaşı intizam məsuliyyətinə cəlb olunub, onlardan 40 nəfəri ədliyyə orqanlarından xaric edilib və ya vəzifədən azad olunub, 2 nəfər barəsində isə materiallar istintaqa verilib.