Yumurta protein və zülal baxımından olduqca zəngin bir qidadır. Eyni zamanda tərkibində A, D, E, B vitaminləri, minerallar, xüsusən də dəmir və sink var. Lakin xolesterolla zəngin olduğuna görə, qaraciyər üçün ağır qida sayılır. Eyni zamanda şəkərli diabet və allergiyası olanlar da yumurta qəbulunda sərhəd tanımalıdırlar. Araşdırmalara görə hər il yumurtanın sağlamlığa yeni faydaları məlum olur. Bəs hər gün ac qarnına 1 ədəd yumurta yeyərsək oranizmimizdə nə baş verər?
Yeniavaz.com hər gün ac qarnına 1 ədəd yumurta yeyən şəxsin oranizmimizdə nələr baş verə biləcəyini təqdim edir:
Əzələni möhkəmlədir: Yumurtanın tərkibində protein olduğundan əzələlərin möhkəmlənməsində köməkçi olur. Buna görə də idmanla məşğul olan və sağlam bədənə sahib olmaq istəyənlər proteinlə zəngin qida istehlak etməlidirlər.
Arıqladır: Yumurta ac qarnına istehlak edildiyində uzun müddət doyma hissi yaradır. Beləliklə də pəhriz saxlayan zaman aclıq krizləri keçirtmədən rahatlıqla çəki ata bilərsiniz.
Dərini gözəlləşdirir, saç və dırnaqları möhkəmləndirir: Yumurtanın tərkibində B vitamini və “Omega-3” yağları var. Bu da saçların tökülməsinin qarşısını alır və tez qırılan dırnaqları bərpa edərək, daha sağlam edir.
Sinir sisteminə dəstək olur: Gün ərzində 1 ədəd yumurta yemək orqanizmi virus və xəstəliklərə qarşı qoruyur. Gündə bir ədəd yumurta yeyərək gündəlik selenium miqdarının hamısını qarşılamış olarsınız.
Beyni gücləndirir: Yumurtanın tərkibində beyin üçün əhəmiyyətli olan xilin maddəsi var. O, yaddaşı yaxşılaşdırmağa, qıcıqlara qarşı tez reaksiya verməyə, yaradıcı düşünməyə köməkçi olur.
Sümükləri möhkəmləndirir: Yumurtanın tərkibində, sümük əriməsinin qarşısını alan və sümüklərinizi gücləndirən kalsium var. Bundan əlavə, yumurtada olan D vitamini bədəndəki kalsium tarazlığını təmin edərək dişlərinizin də inkişafını təmin edir.
Katarakta olma riskini azaldır: “Omega-3”, antioksidantla zəngin olmasına görə, gün ərzində 1 ədəd yumurta yemək katarakta olma riskini azaldır. Bundan başqa tərkibindəki lutein antioksidanı göz əzələlərini yaş degenerasiyasından qoruyur, Lakin, yumurtanı norma daxilində istehlak etmək məsləhətlidir.
İnfarkt riskini azaldır: Çox aşağı sıxlıqlı lipoprotein ehtiva edən insanlarda ürək narahatlıqlarına tutulma riski daha yüksəkdir. Aparılan araşdırmalarda yumurtanın aşağı sıxlıqlı lipoprotein dənəciklərini genişlətdiyi və ürək infarktına tutulma riskinizi azaltdığı müşahidə olundu.
Diqqət: Yumurtanın nazik və kövrək qabığı onun keyfiyyətsiz olmasından xəbər verir.
İlahə Hüseynova
Tətbiqimizi yükləyə bilərsiniz
