Çin koronavirus xəstələri üçün müsbət nəticələr verən dərmanının istifadəsini təsdiqləyib.
Yeniavaz.com "Reuters"ə istinadla xəbər verir ki, Çin hökuməti "Actemra" ticarət nişanı ilə satılan “Tocilizumab” preparatının koronavirusa qarşı istifadəsini təsdiqləyib. Ancaq, hələlik həmin preparatın koronavirus xəstələrinə qarşı istifadəsinin müsbət nəticə verməsi barədə heç bir kliniki sınaq keçirilməyib. Çin hökuməti həmin dərmanı sınaqdan keçirmək üçün bu günlərdə 188 koronavirus xəstəsinin üzərində sınaqlar aparacaq. Sınaq müddəti may ayının 10-a qədər nəzərdə tutulub.
Qeyd edək ki, həmin dərmanı hazırlayan şirkət fevral ayı ərzində 2 milyon dollar dəyərində preparatı xəstələrə pulsuz verdiyini açıqlayıb. Hazırda Çində dərman şirkətlərinin həmin preparatın alternativini hazırlamaq üçün yarışa girdiyi bildirilib.
Ruslan Yusibov
Tətbiqimizi yükləyə bilərsiniz
