İnformasiya təhlükəsizliyinin sistemlərinin hazırlaması sahəsində fəaliyyət göstərən Rusiyanın və eləcə də dünyanın ən məşhur şirkətlərindən biri olan "Kasperski Laboratoriyası" danışıqları gizli dinləyən “casus” proqram barədə məlumat açıqlayıb.
Yeniavaz.com xəbər verir ki, "Kasperski Laboratoriyası" tərəfindən “Skygofree” olaraq adlandırılan “casus” proqram 2014-cü ildən etibarən fəaliyyətdədir.
İtaliyada hazırlandığı bildirilən bu proqram hansı telefonda aktivdirsə o telefonun ətrafında olan hər kəsin səsini qeyd edir. Proqram telefon sönülü olduğu zaman da aktiv olur. Bundan başqa “casus” proqram “WhatsApp”dakı məlumatları da kopyalaya bilir.
"Kasperski Laboratoriyası"ndan bildirilib ki, telefon istifadəçiləri yeni proqramları “Play Store”dən yükləməyə çalışmalıdırlar. Digər mənbələrdən proqram yükləyən zaman saytların və səhifələrin URL-lərinin düzgün olduğundan əmin olmaq lazımdır.
Bundan başqa istifadəçilər tanımadıqları ünvanlardan gələn “e-poçtlar”a diqqət yetirməlidirlər. Həmçinin, mənbəyinə əmin olmadığınız linklərə də daxil olmaq məsləhət görülmür.
Tətbiqimizi yükləyə bilərsiniz
