Nazirlər Kabineti yanında operativ qərargah ölkədə yaranan tibbi spirt və maska çatışmazlığına aydınlıq gətirib.

Yeniavaz.com oxu.az-a istinadla xəbər verir ki, qərargahın üzvü, Tibbi Ərazi Bölmələrini İdarəetmə Birliyinin (TƏBİB) şöbə müdiri Yaqut Qarayeva bildirib ki, onların səlahiyyətində olan xəstəxanalarda belə problem yoxdur:

“Ümumiyyətlə, respublikanın maska və tibbi spirtlə təminatı bizim səlahiyyətimizdə deyil”.

TƏBİB-in Yoluxucu xəstəliklər İşçi qrupunun rəhbəri Vasif Əliyev isə deyib ki, maskanı xəstəliyə yoluxmuş şəxs taxmalıdır:

“Bu da infeksiyanın ətrafa yayılmasının qarşısını alır”.

Sonra respublikanın baş infeksionisti Cəlal İsayev qeyd edib ki, maska qıtlığı məsələsi daha çox mətbuat tərəfindən şişirdilir.