DTX-nın həbs etdiyi qadın YAP-ın deputatlığa namizədi idi - FOTO

Dövlət Təhlükəsizliyi Xidmətinin (DTX) Neftçala rayonunda saxladığı vəzifəli şəxslər arasında Neftçala rayon İcra Hakimiyyəti başçısının müavini - İctimai siyasi və humanitar məsələlər şöbəsinin müdiri Sadıqova Gültəkin Zakir qızı da var.
Yeniavaz.com Unikal.org-a istinadən xəbər verir ki, saxlanılan xanım müavin G.Sadıqova həm də YAP Neftçala rayon Təşkilatı Qadınlar Şurasının sədri olub. O, 9 fevral 2020-ci ildə Milli Məclisə keçirilən növbədənkənar seçkidə iştirak edib. Onun namizədliyi Yeni Azərbaycan Partiyası (YAP) tərəfindən irəli sürülüb. G.Sadıqova 61 saylı Neftçala seçki dairəsindən lider namizəd olan xalq şairi Sabir Rüstəmxanlının rəqibi olub.