Rusiya Fövqəladə Hallar Nazirliyinin Stavropol diyarının regionla şöbəsinin mətbuat xidmətinin rəhbəri Oleq Deqtyarev həmkarlarına yalan məlumat verdiyi üçün vəzifəsindən azad edilib.
Yeniavaz.com xəbər verir ki, bir neçə gün əvvəl FHN-nin regionla şöbəsinin mətbuat xidmətinin rəhbəri Oleq Deqtyarev Stavropol diyarında fəaliyyət göstərən ermənilərə məxsus "Urartu" restoranında ad gününü qeyd edib.
Ad günü məclisinin gedişində Oleq Deqtyarev FHN-nin regionla şöbəsinə zəng edərək "Urartu" restoranında terror aktının olacağı barədə məlumat verib. Zəngdən qısa müddət sonra FHN-nin xilasedici qrupu "Urartu" restoranına gəlib. Xilasedicilər restorana daxil olduqları zaman qarşılarında ad gününü qeyd edən sərxoş həmkarları ilə qarşılaşıblar.
Baş verən hadisədən sonra FHN-nin regionla şöbəsinin rəhbərliyi mətbuat xidmətinin rəhbərini tuduğu vəzifədən azad edib. Stavropol diyarının hüquq-mühafizə orqanları isə 27 ildir FHN-də çalışan Oleq Deqtyarev barəsində "yalan məlumat vermə" maddəsilə cinayət işi açıblar.