Baş Prokurorluqda kadr dəyişikliyi olub.

Yeniavaz.com Oxu.Az-a istinadən xəbər verir ki, bununla bağlı müvafiq əmri Baş prokuror Zakir Qaralov imzalayıb.

Əmrə əsasən, Orxan İsayev Dövlət İttihamının Müdafiəsi üzrə İdarənin rəisi vəzifəsinə təyin edilib.

O, bundan əvvəl Baş Prokuror Yanında Korrupsiyaya Qarşı Mübarizə Baş İdarəsinin rəis müavini vəzifəsində çalışıb.

Hələlik O.İsayevin yerinə təyinat yoxdur.

Qeyd edək ki, Dövlət İttihamının Müdafiəsi üzrə İdarənin rəisi İlqar Cəfərov başqa işə getdiyi üçün vəzifəsindən azad edilib.