Fevralın 15 Ermənistan silahlı qüvvələrinin bölmələri tərəfindən cəbhə xəttində atəşkəs rejiminin kobud surətdə pozulması nəticəsində şəhid olan Azərbaycan Ordusunun hərbi qulluqçusu dəfn edilib.
***11:30
Xəbər verdiyimiz kimi, dünən Ermənistan silahlı qüvvələrinin bölmələri cəbhə xəttində atəşkəs rejimini kobud surətdə pozub və düşmən tərəfindən açılan atəş nəticəsində Azərbaycan Ordusunun hərbi qulluqçusu Ələsgərov Seymur Eldar oğlu şəhid olub.
Yeniavaz.com xəbər verir ki, şəhid Ələsgərov Seymurun vida mərasimi keçirilir.
Qeyd edək ki, rütbəsi gizir olan 1990-cı il təvəllüdlü şəhidimiz Gəncə şəhəri, Kəpəz rayon sakinidir.
Məlumat üçün bildirək ki, şəhid Seymur Ələsgərovun atası Eldar Əsgərov da hərbçi olub vəfat edib. Qardaşı Samir Ələsgərov da hərbçidi. Şəhidin 9 aylıq övladı var. Əmisi Cingiz Ələsgərov da hərbçi olub və itkin düşüb.
S.Ələsgərov Gəncə şəhər Şəhidlər Xiyabanında dəfn ediləcək.
Vüqar Nəbiyev, Gəncə
Tətbiqimizi yükləyə bilərsiniz
