Mərkəzi Seçki Komissiyasının bu gün keçirilən iclasında fevralın 9-da keçirilmiş Milli Məclisə seçkilərlə əlaqədar 80 saylı İmişli-Beyləqan seçki dairəsindən deputatlığa namizədlər - Hikmət Şirinov və Razim Əmiraslanovun müraciətinə baxılıb.
Yeniavaz.com “Report”a istinadən xəbər verir ki, məsələ ilə bağlı MSK katibi Arifə Muxtarova məlumat verib.
MSK katibi bildirib ki, aktların araşdılması zamanı seçki bülletenləri əvvəlcədən kəsilib, müşahidəçilərin səsvermənin hesablanmasına komissiya tərəindən mane yaradılıb, bəzi məntəqələrdə pozuntular aşkarlanıb. Seçicilərin iradəsinin müəyyənləşməsinə yol verilmədiyi məlum olub. Sosial şəbəkələrdə pozuntularla bağlı bu dairə üzrə görüntülər paylaşılıb. Bəzi namizədlərə güzəştlərin olması halları da müəyyən edilib.
Ekspert qrupu belə bir nəticəyə gəlib ki, dairə üzrə seçkilər etibarsız hesab edilsin. Seçki Məcəlləsinin müvafiq maddələrinə uyğun olaraq fevralın 9-da keçirilən seçkilərdə namizədlərin MSK-ya müraciətləri təmin edilib.
Məsələ səsverməyə çıxarılıb və qəbul edilib.
Qeyd edək ki, 80 saylı İmişli-Beyləqan seçki dairəsindən lider namizəd Çingiz Qənizadə idi.
***16:33
Mərkəzi Seçki Komissiyasının iclası başlayıb.
İclasda ilk olaraq ATƏT DTİHB-nin 9 fevral parlament seçkiləri ilə əlaqədar seçki müşahidə missiyasının müraciətinə baxılıb. Bu barədə MSK sədrinin müavini Rövzət Qasımov məlumat verib.
O qeyd edib ki, ATƏT-nin missiya rəhbəri xahiş edir ki, müşahidəçilərdən biri Aygün Attarın akkreditasiyası ləğv olunsun. MSK-nın qərarına əsasən müraciət təmin edilib, Aygün Attara verilmiş lövhəcik etibarsız hesab edilib.
Tətbiqimizi yükləyə bilərsiniz
