ReAL Partiyasının sədri İlqar Məmmədov Qaradağ rayonu, Lökbatan qəsəbəsi, 28 may küçəsindəki “Neftçi" İdman Klubu İctimai Birliyinin Qaradağ təlim-idman bazasında mitinq keçirməkdən imtina edib.
Yeniavaz.com xəbər verir ki, partiya sədri bu barədə sosial şəbəkədə məlumat yayıb.
İlqar Məmmədov həmçinin bildirib ki, “Sərbəst toplaşmaq haqqında” qanunda nəzərdə tutual razılaşdırma qaydasına uyğun olaraq, dinc etiraz mitinqi üçün Bakı şəhər icra hakimiyyətinə aşağıdakı ünvanları təklif ediblər:
1. 20 Yanvar küçəsi, 2527 ünvandakı məhəllə stadionu (Moskva univermağının yaxınlığında)
2. Nazim Hikmət və Həsən Zərdabi küçələrinin kəsişməsindəki meydan
3. Nəriman Nərimanov küçəsi 55 ünvanında yerləşən “Cıdır” restoranının qarşısındakı meydan
4. Hüseyn Cavid heykəlinin ətrafındakı park (Yasamal rayonu, Elmlər Akademiyası nın yaxınlığında)
5. Qış parkı (Akademik Dram Teatrının qarşısında)
6. Mərkəzi park (Akademik Dram Teatrından yuxarı)
Qeyd edək ki, Müsavat, REAL partiyaları, D18 hərəkatı və müstəqil namizədlərin paytaxt ərazisində mitinq keçirməsi ilə bağlı Bakı Şəhər İcra Hakimiyyətinə (BŞİH) müraciət edib. BŞİH alternativ yer olaraq mitinqin 16 fevral 2020-ci il tarixdə saat 15:00-dan 17:00-dək Qaradağ rayonu, Lökbatan qəsəbəsindəki 28 may küçəsi “Neftçi" İdman Klubu İctimayi Birliyinin Qaradağ təlim-idman bazasında keçirilməsini təklif edib.
Tətbiqimizi yükləyə bilərsiniz
