Azərbaycan milli komandası DÇ-2020-nin elit-raundunda qrup üçüncüsü olmaqla final mərhələsinə vəsiqə uğrunda mübarizəni dayandırıb.
Bu, oyunları Xorvatiyada təşkil olunan C qrupunun son matçından sonra dəqiqləşib.
Meydan sahibləri ilə görüşən Rusiya yığması təkcə qrupun deyil, mundialın favoritlərindən olduğunu sübut edib. İlk turda Slovakiyanı 7:1 hesabı ilə məğlub etdikdən sonra Azərbaycana 3:4 hesabı ilə uduzan şimallılar Xorvatiyaya qalib gəliblər – 4:3.
Bu qələbə Rusiyanı qrup birincisi kimi birbaşa final mərhələsinə daşıyıb. Xorvatiya 2-ci yerin sahibi kimi pley-offa vəsiqə qazanıb.
Joze Alesio da Silvanın baş məşqçisi olduğu Azərbaycan yığması isə 4 xalla 3-cü yeri tutub. Rusiya üzərində qələbədən öncə xorvatiyalılara 0:2 hesabı ilə uduzan komandamız son turda Slovakiya ilə heç-heçə edib – 3:3.
Qeyd edək ki, Rusiya millisi Litvada keçiriləcək final mərhələsində iştirakı dəqiqləşən 3-cü komandadır. Meydan sahibi və şimal qonşularımızdan başqa Okeaniyanın ən güclüsü olan Solomin adaları da mundiala yüksəlib.
|
1 |
Rusiya |
3 |
2 |
0 |
1 |
14-8 |
6 |
|
2 |
Xorvatiya |
3 |
2 |
0 |
1 |
8-6 |
6 |
|
3 |
Azərbaycan |
3 |
1 |
1 |
1 |
7-8 |
4 |
|
4 |
Slovakiya |
3 |
0 |
1 |
2 |
6-13 |
1 |
ApaSport
Tətbiqimizi yükləyə bilərsiniz
