Nijnevartovskda bir qrup naməlum şəxs kişini döyüb. Daha sonra isə həmin kişi avtomatla onu incidənləri güllə atəşinə tutub.
Sosial şəbəkədə hadisəni əks etdirən video yayılıb. Kadrlarda naməlum şəxslərin saqqallı kişini binanın girişində döydüyü görünür. Daha sonra döyülən kişi əlində avtomat liftdən çıxır. Həyətə düşən kişi onu döyənlərə atəş açmağa başlayır.
Yerli sakinlər dəfələrlə polisə zəng etdiklərini, lakin laqeyd münasibət gördüklərini deyirlər. Şahidlər gecikən polisə hadisənin baş vermə səbəbini danışıblar. Onların sözlərinə görə, oğlanlar uzun müddət yüksək səslə musiqiyə qulaq asıblar. Saqqallı kişi isə dəfələrlə onlardan musiqinin səsini azaltmağı xahiş edib. Lakin gənclər ona məhəl qoymayıblar. Elə bununla da mübahisə başlayıb.
Hələlik ölən və ya xəsarət alanlar haqqında məlumat yoxdur.
oxu.az
Tətbiqimizi yükləyə bilərsiniz
