Əvvəlki illərdə olduğu kimi ötən ildə də Rusiyada daşınmaz əmlakın icarəsindən ən çox qazanan şirkət, əslən Azərbaycandan olan yəhudi əsilli Zarax İliyev və Qod Nisanovun rəhbərlik etdikləri "Kievskaya ploşad" şirkəti olub.
Yeniavaz.com xəbər verir ki, bu barədə məlumat dünyanın aparıcı nəşrlərindən olan "Forbes" jurnalının rus dilində çıxan nəşri tərəfindən hazırlanan "Rusiyanın daşınmaz əmlak kralları" adlı hesabatda yer alıb. Hesabatda qeyd olunur ki, həmyerlilərimizə məxsus "Kievskaya ploşad" şirkətinin daşınmaz əmlakın icarəsindən əldə etdiyi illik qazanc 1 milyard 610 milyon dollar təşkil edib. Əvvəlki illə müqayisədə onların daşınmaz əmlakın icarəsindən əldə etdikləri gəlir 55 milyon dollar artıb.
Qeyd edək ki, bu gəlirlər onlara məxsus olan "Evropeyskiy" ticarət mərkəzi (180 min kvadrat metr) və "Fud siti" kooperativindən (930 min kvadrat metr) əldə olunub. Hazırda "Kievskaya ploşad" şirkətinin sərəncamında ümumi sahəsi 1 milyon 448 min kvadrat metr olan ticarət mərkəzləri, 61 min kvadrat metr olan ofis sahələri, 348 min kvadrat metr olan anbarlar 1550 otaqdan ibarət otel otağı var. Məlumat üçün bildirək ki, Qod Nisanov 1966-cı, Zarax İliyev isə 1972-ci Quba rayonunda (Qırmızı qəsəbədə) anadan olublar.
"Rusiyanın daşınmaz əmlak kralları"nın siyahısında daha bir azərbaycanlı "Krokus Qrup" şirkətinin sahibi Araz Ağalarov yer alıb. 2016-cı ildə siyahıda 11-ci yerdə olan Araz Ağalarov 2017-ci ildə 6 pillə irəliləyərək 5-ci sıraya yüksəlsə də, 2018-ci il ərzində mövqeyini dəyişməyərək 5-ci pillədə qərarlaşıb. Ötən il Araz Ağalarov daşınmaz əmlakın icarəsindən 370 milyon dollar pul qazanaraq 6-cı sıraya geriləyib. 2018-ci illə müqayisədə Araz Ağalarovun gəliri 40 milyon dollar azalıb. Qeyd edək ki, "Krokus" şirkətinin sahibi 2015-ci il üçün tərtib edilən "Rusiyanın daşınmaz əmlak kralları"nın siyahısında 7-ci yerdə olub. Araz Ağalarova məxsus daşınmaz əmlaka "Krokus Ekspo" (1 milyon 40 min kvadrat metr) və Moskvanın Kaşirski prospektində yerləşən "Vegas" ticarət mərkəzi (480 min kvadrat metr) daxildir. Bundan başqa, Ağalarovun nəzarətində 225 otaqlı otel var.
"Daşınmaz əmlak kralları" adlı hesabatın maraqlı tərəflərindən biri də odur ki, ilk onluqda yer alan iş adamlarının əksəriyyəti milliyyətçə rus deyil.
"Daşınmaz əmlak kralları"nın ilk 10-luğunu təqdim edirik:
Əmlak sahibləri və şirkətləri | 2019-cu il | 2018-ci il | |
1 | Qod Nisanov və Zarax İliyev "Kievskaya ploşad" şirkəti |
1610 mln. $ | 1 565 mln. $ |
2 | Samvel Karapetyanın "Taşir" şirkəti |
655 mln. $ | 670 mln. $ |
3 | Mikail Quçeriev "Safmar" şirkəti |
580 mln. $ | 575 mln. $ |
4 | İnqvar Kampradın qurucusu olduğu İKEA-ya bağlı "İNGKA Sentr" şirkəti | 510 mln. $ | 865 mln. $ |
5 | Aleksandr Klyaçin "Gleden İnvest" (Əvvəllər "KR Properties") şirkəti |
380 mln. $ | 360 mln. $ |
6 | Araz Ağalarov "Krokus" şirkəti |
370 mln. $ | 410 mln. $ |
7 | Şarık Tara "Enka" şirkəti |
340 mln. $ | 325 mln. $ |
8 | Valeri Mixaylov və Pavel Vaşenko "O1 Properties" şirkəti |
305 mln. $ | 295 mln. $ |
9 | Yuri Xotin və Aleksey Xotin "Kompleks investisiyalar" şirkəti |
280 mln. $ | 285 mln. $ |
10 | Alixan Muçoev və Amiran Muçoev "Qruppa regiona" şirkəti |
240 mln. $ | 280 mln. $ |