Azərbaycanda burun əməliyyatı NEÇƏYƏ BAŞA GƏLİR? – FANTASTİK QİYMƏTLƏR

Rinoplastika, yəni burun estetikası son illərdə Azərbaycanda ən çox müarciət edilən estetik əməliyyatları arasındadır. Bu əməliyyata isə kişilərə nisbətən daha çox qadınlar müraciət edir. Lakin onlar bu əməliyyatın riskləri və madiyyəti barədə o qədər də düşünmürlər. Bəziləri məcburiyyətdən əməliyyat olunsalar da, bəziləri də iri, əyri burunla gəzmək istəmədiklərini deyərək estetik əməliyyata üz tuturlar.
Yeniavaz.com saytı ölkədə estetik əməliyyatlara tələbatın çoxluğunu nəzərə alaraq qiymətlər barədə araşdırma apardı. Araşdırma nəticəsində məlum oldu ki, ölkədə estetik əməliyyatlara tələbin çox olmağı ilə yanaşı, bu əməliyyatı icra edən həkimlərin sayı da kifayət qədərdir. Hətta bəzən klinikaların əksəriyyətində insanları cəlb etmək üçün bayramla əlaqədar burun əməliyyatlarına xüsusi paketlər də təqdim olunur. Bu paketlərdə analizlər, xəstəxanada 1 gün qalma və əməliyyatın qiyməti endirilərək təqdim edilir. Bəzi klinikalar da isə əməliyyat qiyməti ayrı, analiz qiymətləri ayrı hesablanır. Əməliyyatın qiyməti də burundakı problemdən asılı olaraq dəyişir. Lakin, öncəki illərdə estetik əməliyyatı 700-900 AZN vəsaitlə etdirmək mümkün olurdusa, indi bunun üçün minimum 1500 AZN tələb olunur. Revizyon (təkrar əməliyyat) əməliyyatların qiyməti isə bəzən fantastik həddə gəlib çatır.
Yeniavaz.com yaxın aylarda əməliyyat olunan pasientlərin rəylərinə əsasən ölkədəki rinoplastika  əməliyyatlarının qiymətlərini təqdim edir:

Həkimlər	Qiymətlər
Pərviz Aslanov	3600 - 4000 AZN (Revizyon 5000-6000 AZN)
Mircəfər Seyidov	3500 AZN + 106 AZN analiz
Abdul Ali	3800 AZN
Teymuraz Rəsulov	2600 AZN
Cavid İsmyılov	1900 AZN
Sami Sami	2300 AZN
Sənan Mehdiyev	2500 AZN
Fərid Şahverdiyev	1400 AZN
Rəşid Əliyev	2500 (Revizyon 4000 AZN)
Mətin İbrahim	1300 – 1500 AZN
Cavid Cabbarzadə	4200 AZN + 85 AZN analiz
Dilqəm Məhərrəmov	2700 AZN
Tale Nemətzadə	2200 AZN
Dilqəm Məmmədov	2600 AZN
Vidadi Kəbirli	3000 AZN
Xaliq Şıxəliyev	1400 AZN

 


















Qeyd edək ki, bu qiymətlərdən əlavə bəzi klinikalarda həkim qəbulu ödənişsiz olsa da, bəzilərində 20-40 AZN arası dəyişir.

İlahə Hüseynova