Azərbaycan Premyer Liqasında son 10 ildə ən çox vərəqə alan futbolçular müəyyənləşib.
Yeniavaz.com xəbər verir ki, apasport.az saytı onilliyin klubları, bombardirləri, “qvardiyaçıları”nın ardından intizamsızların da siyahısını tərtib edib.
2010-19-cu illərdə ən çox vərəqə alan oyunçu İlkin Qırtımovdur. Bu müddətdə müxtəlif klubların şərəfini qoruyan müdafiəçi 8-i qırmızı, 71-i sarı olmaqla 79 vərəqə ilə cəzalanıb. O, həm ümumi, həm sarı, həm qırmızıların sayında “liderdir”. 50 və daha çox vərəqə alanların siyahısında 11 futbolçu yer alıb. 2-ci olan Şəhriyar Rəhimov 71, 3-cü olan Tural Axundov 64 dəfə cəzalanıb. Lakin onların hesabında olan qırmızı vərəqələrin sayı yetərincə azdır.
Meydandan kənarlaşdırılma sayında 2-ci yerdə isə Vurğun Hüseynovdur. O, 7 dəfə komandasını natamam heyətdə qoyub. Adrian Skarlatake qırmızı vərəqə sayında 3-cüdür. O, həm də legionerlər arasında 1-cidir.
Ümumi vərəqə sayında isə Viktor İbekoyi əcnəbilər arasında “liderdir”.
5 və daha çox qırmızı vərəqə alanların sayı 6-dır. Onlar arasında milliləşən legioner Tagim Novruzov diqqət çəkir. Ən çox vərəqə alanlar 200 və daha çox görüşdə bu qədər cəzalanıbsa, yığmamızın rusiyalısı cəmi 101 görüşdə 5-i qırmızı olmaqla 46 vərəqə görüb. O, ən azı 25 vərəqə alanlar arasında orta göstəricilərdə hamıdan intizamsızdır.
Emin Mehdiyev isə vərəqələrin dəqiqəyə nisbəti baxımından 1-cidir. Hesabında 4-ü qırmızı olmaqla 33 vərəqə olan futbolçu hər 112 dəqiqədən bir cəzalanıb.
50 və daha çox vərəqə alanlar
yer |
futbolçu |
vərəqə |
qırmızı |
1. |
İlkin Qırtımov |
79 |
8 |
2. |
Şəhriyar Rəhimov |
71 |
3 |
3. |
Tural Axundov |
64 |
2 |
4. |
Vurğun Hüseynov |
62 |
7 |
5. |
Viktor İbekoyi |
62 |
4 |
6. |
Rasim Ramaldanov |
60 |
4 |
7. |
Novruz Məmmədov |
60 |
3 |
8. |
Erik Ramos |
56 |
1 |
9. |
Şəhriyar Əliyev |
51 |
2 |
10. |
Adrian Skarlatake |
50 |
6 |
11. |
Aleksandr Çertoqanov |
50 |
5 |
5 və daha çox qırmızı alanlar
yer |
futbolçu |
qırmızı |
1. |
İlkin Qırtımov |
8 |
2. |
Vurğun Hüseynov |
7 |
3. |
Adrian Skarlatake |
6 |
4-6. |
Tagim Novruzov |
5 |
|
Aleksandr Çertoqanov |
5 |
|
Elnur Allahverdiyev |
5 |