Məşhurlar yeni ili harada və kiminlə qeyd edəcək? - SORĞU


Artıq dekabr ayının ikinci həftəsindəyik və bu o deməkdir ki, 2019-cu illə yavaş-yavaş vidalaşırıq. Bununla bağlı bir çox yerlərdə şou prqramlar elan edilib və hər kəs bayramı özünəməxsus şəkildə qarşılamağa hazırlaşır. Kimisi evində, kimi xarici ölkədə, kimisi də restoranlarda.
Bəs Azərbaycan məşhurları 2020-ci ili harada və kiminlə qarşılayacaq?
Yeniavaz.com saytı olaraq məşhurların 31 Dekabr Dünya Azərbaycanlıların Həmrəylik Günü və Yeni ili harada, kiminlə qeyd etmələri ilə bağlı sorğu keçirdik.

Müğənni Abbas Bağırov: “2020-ci ili ailəmlə birlikdə evdə qarşılamağı planlaşdırıram”.

Aparıcı Azər Axşam: “Bu il Yeni ili Azərbaycanda, şəhər restoranların birində qarşılayacağam”.

Müğənni Nadir Qafarzadə: “İllərdir ki, mən Yeni ili səhnədə qarşılayıram. Bir dəfə olub ki, Ukraynada ailəvi keçirmişik. Amma ailəm həmişə yeni ili mənsiz qarşılayır, bu da mənim üçün qüssədir. Nə etmək olar, evin kişisiyəm və işləməliyəm. Bayram ab-havası olsa belə işləmək lazımdır, ailəmə çörək pulu aparmalıyam. Mən onda özümü xoşbəxt hiss edirəm”.

Skripkaçı Səlim Abbasov: “Düzü hələ harada qeyd edəcəyim dəqiq deyil. Çünki, proqramı tərtib etməmişəm. Amma ola bilsin Avropa ölkələrin birində oldu. Bu, Almaniya və ya Hollandiya ola bilər”.

Aparıcı-müğənni Murad Arif: “Bu il Yeni ili Naftalanda qarşılayacağam”.

Müğənni Yaşar Cəlilov: “Mən 31 dekabrı artıq 12 ildir ki, səhnədə qeyd edirəm. Peşəkar səhnəyə çıxdığımdan bu günə qədər ya restoranda, ya da bir restorandan digərinə gedərkən yolda köməkçimlə qarşılayıram Yeni ili. Yəni, həmin gün iş başında olduğum üçün heç vaxt evdəkilərlə qeyd edə bilmirəm”.
İlahə Hüseynova
Bildirişlərdən çıxın

Bildirişlərdən çıxın

DİGƏR XƏBƏRLƏR

Top