Gürcüstan “Avro-5” standartlarının tətbiqini təxirə salıb - SOCAR-ı gözləyəcəklər


Gürcüstan hökuməti ölkədə “Avro-5” dizel standartının tətbiqini 2021-ci il yanvarın 1-dək qədər təxirə salıb.

AZƏRTAC xəbər verir ki, bu barədə Gürcüstan hökuməti qərar qəbul edib.

Bildirilib ki, “Avro-4” standartlı dizel yanacağının ölkəyə idxalının 2020-ci il yanvarın 1-dən qadağan olunması barədə qərar bir il müddətinə dayandırılır.

Qeyd edək ki, qanunun qüvvəyə minəcəyi təqdirdə Azərbaycandan Gürcüstana dizel yanacağı idxalı dayandırılmalı idi.

Bundan sonra Rusiya Gürcüstana dizel yanacağının yeganə tədarükçüsü olacaqdı.

Gürcü mütəxəssislər bununla əlaqədar Azərbaycan tərəfi ilə danışıqlar aparıblar. Artıq Azərbaycan tərəfi neft emalı zavodunun modernləşdirilmsinə başlayıb.

“Azərbaycan tərəfi tam Avropa standartlarına (Avro-5 standartlarına) uyğun dizel yanacağı istehsalına başladıqdan sonra Gürcüstan bu tip yanacağı yenidən SOCAR-dan alacaq”, -deyə məlumatda bildirilir.

Xatırladaq ki, Azərbaycan Gürcüstanın əsas dizel yanacağı tədarükçüsüdür və Azərbaycanda istehsal olunan dizel yanacağı Rusiya məhsulu ilə müqayisədə 15 tetri ucuzdur. Azərbaycandan sonra Gürcüstanın əsas dizel tədarükçüləri isə Rusiya, Rumıniya və Bolqarıstandır.

Bildirişlərdən çıxın

Bildirişlərdən çıxın

DİGƏR XƏBƏRLƏR

Top