Bu ilin ilk 10 ayı ərzində Azərbaycan vətəndaşları Türkiyədən 954 mənzil, oktyabr ayı ərzində isə 125 mənzil alıblar.
Yeniavaz.com Türkiyə Statistika Xidmətindən açıqlanan məlumatlara istinadən bildirir ki, ötən ilin eyni dövrü ilə müqayisədə Türkiyədən ev alan azərbaycanlıların sayı artıb. Belə ki, 2018-ci ilin yanvar-oktyabr aylarında azərbaycanlılar Türkiyədən builkindən 14 mənzil az - 940 mənzil satın alıblar. Qeyd etdiyimiz kimi, bu ilin oktyabr ayında isə azərbaycanlılar Türkiyədən 125 mənzil satın alıblar və bu ötən ilin oktyabr ayındakı göstəricidən 52 mənzil az olub.
Məlumat üçün bildirək ki, xarici ölkə vətəndaşları bu ilin ilk 10 ayı ərzində Türkiyədən ümumilikdə 36 min 579 mənzil satın alıblar. Bu isə ötən ilin eyni dövrü ilə müqayisədə 19,1% və ya 5 min 867 mənzil çox olub. Oktyabr ayında Türkiyədə ev alan əcnəbilər arasında İraq, İran, Rusiya, Almaniya, Əfqanıstan, Küveyt, Səudiyyə Ərəbistanı, İngiltərə, Yəmən, Azərbaycan və İordaniya vətəndaşları üstünlük təşkil edib.
Oktyabr ayında xarici ölkə vətəndaşlarının Türkiyədən aldıqları mənzillərin sayı bu cür olub:
ÖLKƏLƏR | OKTYABR, 2018 | OKTYABR, 2019 |
İraq | 1 439 | 597 |
İran | 557 | 536 |
Rusiya | 336 | 292 |
Almaniya | 341 | 225 |
Əfqanıstan | 319 | 185 |
Küveyt | 378 | 182 |
S. Ərəbistanı | 332 | 168 |
İngiltərə | 217 | 166 |
Yəmən | 113 | 132 |
AZƏRBAYCAN | 177 | 125 |
İordaniya | 242 | 121 |