Almaniyanın hüquq-mühafizə orqanları Azərbaycanda müxalif partiyaların keçmiş fəallarından ibarət cinayətkar şəbəkə üzvlərinin işini araşdırmaqda davam edir.
Xəbər verildiyi kimi, Almaniyanın hüquq-mühafizə orqanları Azərbaycanın Müsavat Partiyasının bəzi üzvlərini saxlayıb. Cinayətkar şəbəkəyə daxil olan 7 nəfər həbs edilib. Cinayətkar dəstənin saxlanılan üzvlərinin 2-i barəsində yerli federal məhkəmələr tərəfindən 6 ay müddətinə həbs qətimkan tədbiri seçilib.
Azərbaycandan olan mühacirlər miqrantların qanunsuz daşınmasında ittiham olunur. Cinayətkarlar miqrantlardan 3000-10.000 avro arasında pul alırmışlar.
Son məlumata görə, Almaniyadan, əsasən, Bavariya torpağından xeyli azərbaycanlı "siyasi mühacir" deport olunacaq. Onların hamısının “Müsavat” partiyasının sənədləri əsasında sığınacaq aldıqları bildirilir. (Virtualaz.org)