Erkin Qədirli: “ReAl üçün yaxşı olmadı”


Respublikaçı Alternativ Partiyasının (ReAL) üzvü Erkin Qədirli partiyanın Məclis sədri Azər Qasımlının istefasına "Facebook"dan münasibət bildirib.

Yeniavaz.com xəbər verir ki, Erkin Qədirli Azər Qasımlının istefasının gözlənilməz olduğunu bildirib.

“Bu gün səhər Azər Qasımlı jurnalistləri yanına yığaraq canlı yayımda ReAl-dan getdiyini söylədi. Bu, mənim üçün gözlənilməz oldu. Dünən yazdığım kimi, Azər ReAl-dan getmək istəyərsə, bu, onun şəxsi qərarı olacaq. ReAl-da kimsə onun getməsini istəmirdi və onun gedişi ReAl üçün yaxşı olmadı. Ayrıca, onun getdiyini özündən birbaşa deyil, canlı yayımdan öyrənmək də üzücü oldu. Bununla belə, dostluğumuz yerində qalır. Azərə bundan sonrakı işlərində uğurlar arzulayıram”, - deyə Erkin Qədirli vurğulayıb.

Qeyd edək ki, Azər Qasımlı bu gün mətbuat konfransı keçirərək ReAl-dan istefa verdiyini açıqlayıb.
Bildirişlərdən çıxın

Bildirişlərdən çıxın

DİGƏR XƏBƏRLƏR

Top