Draqan: “Qarabağ”la oyunda meydanda ölmək məcburiyyətindəyik

"Qarabağ"ın Avropa Liqasının qrup mərhələsində rəqibi olan APOEL Kipr I Liqasının 8-ci turunda evdə AEK-lə 0:0 hesablı heç-heçə edib.
Yeniavaz.com "qafqazinfo"ya istinadla xəbər verir ki, oyundan sonra Nikosiya klubunun yarımmüdafiəçisi Draqan Mixayloviç Avropa Liqasının qrup mərhələsinin 4-cü turunda "Qarabağ"a qarşı keçirəcəkləri oyun barədə fikirlərini bölüşüb:
"Qalib gəlmək istəyirik. Bu oyunda meydanda ölmək məcburiyyətindəyik. Hər kəsə daha yaxşı komanda olduğumuzu göstərmək istəyirik".