Oktyabrın 29-da piyada keçidində avtomobillə vurulan hüquq müdafiəçisi Oktay Gülalıyevin son durumu açıqlanıb.
Yeniavaz.com xəbər verir ki, Səhiyyə Nazirliyinin mətbuat xidmətindən APA-ya verilən məlumata görə, O. Gülalıyevin vəziyyəti hazırda ağır stabil, keçirdiyi əməliyyata uyğundur. Müalicəsi reanimasiya şöbəsində davam edir.
Qeyd edək ki, oktyabrın 29-da hüquq müdafiəçisi Oktay Gülalıyevi Bakının Nəsimi rayonunda yolu keçərkən avtomobil vurub. O, dünən “City Hospital”da əməliyyat olunub.
Tətbiqimizi yükləyə bilərsiniz
