Xəbər verdiyimiz kimi, Suriya ərazisində "Sülh çeşməsi" adlı antiterror əməliyyat həyata keçirən Türkiyə ordusuna qarşı vuruşanlar arasında ermənilərdən təşkil olunan "Nubar Ozanyan" adlı terror qruplaşması da var. Hətta ötən həftə ermənilərdən təşkil olunan "Nubar Ozanyan" adlı terror qruplaşması Türkiyəyə qarşı müharibə elan etdiklərini də bəyan ediblər.
Yeniavaz.com Ermənistan mətbuatına istinadən bildirir ki, bu gün sosial şəbəkələrdə kürdlərin Serekaniyyə adlandırdıqları Rəsulayn şəhərində Türkiyə ordusuna qarşı döyüşən erməni əsilli ata və qızının fotoları yayılıb.
53 yaşlı Hovsep Sarkis və onun 19 yaşlı qızı Anuş Sarkisin fotolarını Habat Abbas adlı jurnalist paylaşıb və qeyd edib ki, onlar YPG-nin (terror təşkilatı) üzvləridir.
İlkin Uğur
