Vilayət Eyvazovun 10 nəfər yol polisini işdən çıxarması xəbərinə DİN-dən CAVAB


Daxili İşlər naziri Vilayət Eyvazov yol polisi sistemində ciddi dəyişikliklər edib.
Yeniavaz.com BakuPost-a istinadən xəbər verir ki, yol polislərinin iş rejimi tamamilə dəyişdirilib, Bakı Şəhər Yol Polisi İdarəsində daha çox “rüşvət otaqları” kimi tanınan kabinetlər ləğv edilib, orada çalışan əməkdaşlar yollarda xidmətə yönəldilib.
Nazirin əmri ilə bu gündən başlayaraq yol polisləri iki gündən bir işləyəcəklər, iş saatı 18:00-da bitəcək. Gecələr isə növbəlilik əsasında çalışacaqlar.
İndiyə kimi sutkada az qala 14 saat işləyən polislər üçün bu, gözlənilməz qərar olub.
Vilayət Eyvazov Bakı Şəhər Yol Polisi İdarəsində təmizləmə işləri də aparıb. Bildirilir ki, onun tapşırığı ilə yoxlamalar aparılıb və 10 nəfər yol polisi əməkdaşı işdən uzaqlaşdırılıb, 20-yə yaxın əməkdaş barədə isə araşdırmalara başlanılıb.
Məsələ ilə bağlı Daxili İşlər Nazirliyinin mətbuat xidmətinin rəhbəri Ehsan Zahidovla əlaqə saxladıq. O, Yeniavaz.com-a bildirdi ki, bu haqda onda məlumat yoxdur: "Ola bilər ki, öz işinin öhdəsindən gələ bilməyən əməkdaşlar müəyyən vaxtlarda ayrı-ayrılıqda vəzifəsindən azad edilsin. Ancaq bir əmrlə 10 nəfərin işdən çıxarılması haqqında məndə məlumat yoxdur. Mən  elə bir şey eşitməmişəm. Bəlkə yazan səhv yazıb? Mən də maraqlanaram".

Bildirişlərdən çıxın

Bildirişlərdən çıxın

DİGƏR XƏBƏRLƏR

Top