Zelenski beş ayda 22 nəfəri əfv edib


Ukrayna Prezidenti Vladimir Zelenski vəzifəyə başladığı may ayından etibarən 22 məhbusu əfv edib.

Bu barədə prezidentin ofisindən məlumat verilib.

Bildirilib ki, aradan keçən beş ay ərzində əfv olunanların beşi qadın, 17-si isə kişidir.

Ancaq prezidentin ofisi əfv olunanlar arasında əcnəbilərin və mübadilə çərçivəsində əfv olunan vətəndaşların sayı ilə bağlı açıqlama verməyib.

Qeyd edək ki, sentyabrın 7-də Rusiya və Ukrayna 35 məhkum və saxlanılan vətəndaşın sərbəst buraxılması ilə bağlı razılığa gəlmişdilər.

Rusiya tərəfdən azad edilənlər arasında terror aktı hazırlamaqda ittiham olunan Oleq Sentsov və Rusiya sərhədini pozan 24 Ukrayna əsgəri də var.

Bu gün məhkəmə qərarı ilə sərbəst buraxılan “RİA Novosti” portalının rəhbəri Kirill Vışinski də Rusiyaya yola düşüb.(Oxu.az)
Bildirişlərdən çıxın

Bildirişlərdən çıxın

DİGƏR XƏBƏRLƏR

Top