Çinlilər Ayın görünməyən tərəfində qəribə maddə tapdılar


Çinin "Yutu" ("Nefrit dovşan") roveri Ayın tərs üzündə elmə məlum olmayan maddə aşkarlayıb.

Yeniavaz.com "Sputnik"ə istinadən bildirir ki, məlumatı Daily Mail yayıb.

Maddəni roverin göndərdiyi şəkillərdəki kraterlərin birini araşdırarkən aşkar ediblər. Missiyanın saytında bildiriblər ki, şəkilləri iyulun sonunda əldə ediblər. 


Roverin korpusunda Visible and Near-Infrared Spectrometer (VNIS) spektometri quraşdırılıb, o, maddənin üzərindən əks olunan işığın vasitəsilə maddələrin tərkibini ayırd etməyə imkan verir.

Alimlər hələlik tapıntının tərkibini təyin edə bilməyiblər, ancaq onun "qeyri-adi rəngə" və "geləbənzər struktura" malik olduğunu bildiriblər.

2019-cu ilin yanvarında "Çange-4" aparatı Yerə Ayın tərs üzünün şəkillərini göndərib. Bu şəkillər planetimizin peykinin ən yaxın məsafədən çəkilmiş görüntüləri hesab olunur. Aparat Ayın geoloji quruluşu və qrunt tərkibi barədə məlumatlar toplayacaq, həmçinin bir sıra aşağı tezlikli radioastronomik müşahidələr aparacaq.

Ayın görünməyən tərəfinin mantiyasının ilkin analizləri zamanı alimlər yüksək sıxlıqlı, çox az kalsiuma və yüksək dərəcədə dəmirə malik minerallar - olivinlər və piroksenlər aşkarlayıblar. Mütəxəssislərin fikrincə, bu maddələr öncə üst mantiyaya daxil imiş, sonradan isə meteoritlərin düşməsi nəticəsində üzə çıxıb.

Bildirişlərdən çıxın

Bildirişlərdən çıxın

DİGƏR XƏBƏRLƏR

Top