Əcnəbilər Türkiyədən nə qədər ev alıblar? - Ev alan azərbaycanlıların sayı artıb

Bu ilin ilk ayı ərzində Azərbaycan vətəndaşları Türkiyədən 95 mənzil satın alıblar. Yeniavaz.com Türkiyə Statistika Xidmətindən açıqlanan məlumatlara istinadən bildirir ki, ötən ilin eyni dövrü ilə müqayisədə Türkiyədən ev alan azərbaycanlıların sayı artıb. Belə ki, 2018-ci ilin yanvar ayında azərbaycanlılar Türkiyədən builkindən 30 mənzil az - 65 mənzil satın alıblar.
Məlumat üçün bildirək ki, xarici ölkə vətəndaşları bu ilin ilk ayı ərzində Türkiyədən ümumilikdə 3 min 200 mənzil satın alıblar. Bu isə ötən ilin eyni dövrü ilə müqayisədə 82% və ya 1440 mənzil çox olub. Yanvar ayında Türkiyədə ev alan əcnəbilər arasında İraq, İran, Rusiya, Əfqanıstan, İordaniya, Küveyt, Almaniya, Səudiyyə Ərəbistanı, Fələstin, Yəmən, Azərbaycan və Misir vətəndaşları üstünlük təşkil edib. Belə ki, bu ilin yanvar ayında İraq vətəndaşları Türkiyədən 605, İran vətəndaşları 305, Rusiya vətəndaşları 195, Əfqanıstan vətəndaşları 191, İordaniya vətəndaşları 151, Küveyt vətəndaşları 130, Almaniya vətəndaşları 119, Səudiyyə Ərəbistanı vətəndaşları 108, Fələstin vətəndaşları 103, Yəmən vətəndaşları 97 mənzil alıblar.
Yanvar ayında isə xarici ölkə vətəndaşlarının Türkiyədən aldıqları mənzillərin sayı bu cür olub:

ÖLKƏLƏR	YANVAR, 2018	YANVAR, 2019
İraq	272	605
İran	83	305
Rusiya	121	195
Əfqanıstan	124	191
İordaniya	84	151
Küveyt	108	130
Almaniya	89	119
S.Ərəbistanı	160	108
Fələstin	32	95
Yəmən	50	97
AZƏRBAYCAN	65	95
Misir	62	83
İngiltərə	55	76