Ermənistan Rusiyadan 12 qırıcı almağı planlaşdırır

Ermənistan 2019-cu ilin sonun, 2020-ci ilin əvvəlində Rusiyadan 4 ədəd “Su-30SM” qırıcı təyyarəsi almağı planlaşdırır.
Yeniavaz.com “RİA Novosti” agentliyinə istinadla xəbər verir ki, bunu Ermənistanın müdafiə naziri David Tonoyan “IDEX-2019” silah sərgisi zamanı deyib.
Onun sözlərinə görə, İrəvan ümumilikdə 12 belə təyyarə almaq istəyir: “Biz “Su-30SM” qırıcılarının növbəti tədarükü haqqında danışıqları davam etdiririk. Hər şey həmin məhsulun nə qədərə tez hazır ola biləcəyindən asılıdır. Qırıcıların ilk partiyasını bu il, maksimum isə gələn ilin əvvəlində almağı planlaşdırırıq”.