Bu ilin ən təhlükəsiz avtomobilləri - SİYAHI

“Euro NCAP” ekspertləri 2019-cu ilin ən təhlükəsiz avtomobillərinin reytinqini tərtib ediblər.
Yeniavaz.com “RİA Novosti” agentliyinə istinadla xəbər verir ki, “kiçik ailəvi avtomobil” kateqoriyasında “Mercedes-Benz A-Class” avtomobili ən yaxşı olub. Bu maşın istənilən qəzada böyük sərnişinlərin təhlükəsizliyini 96% təmin edə bilər. Sözügedən kateqoriyada ikinci və üçüncü yerləri müvafiq olaraq yenilənmiş “Ford Focus” və “Nissan Leaf” tutublar. “Böyük ailəvi avtomobil” kateqoriyasında “Audi A6” modeli birinci olub. Sonrakı yerləri ardıcıl olaraq “Mazda 6” və “Volvo V60” qərarlaşıblar.