Hokkey üzrə Küveyt yığması Rusiyanın Saxalin vilayətində təşkil edilmiş “Asiyanın uşaqları” turnirində keçirdiyi dörd oyunda qapısından ümumilikdə 219 şayba buraxıb. Yeniavaz.com xarici KİV-ə istinadla xəbər verir ki, küveytli idmançılar konki üstünə ilk dəfə olaraq təxminən bir ay əvvəl çıxmağa başlayıblar.
Küveyt yığması ilk oyununu Uzaq Şərq Federal Dairəsinin komandası ilə keçirib və 0:60 hesabı ilə uduzub. Sibir Federal Dairəsi ilə keçirilən ikinci oyunda küveytlilər qapılarından 77 şayba buraxıblar və heç fərqlənməyiblər. Ərəblər üçüncü oyunda Saxalin yığmasına 0:28, yaponlara isə 0:54 hesabı ilə uduzublar.