“Ya Qarabağ, ya ölüm!” şeirinin müəllifi vəfat etdi

Türkiyənin tanınmış sənətçisi Ozan Arif 69 yaşında vəfat edib.

Yeniavaz.com Türkiyə mətbuatına istinadən xəbər verir ki, O.Arif qırtlaq xərcəngi xəstəliyindən əziyyət çəkirdi. O, müalicə olunduğu “On Doqquz Mayıs” Universitetinin Tibb fakültəsində dünyasını dəyişib. 

Qeyd edək ki, O.Arif 1949-cu il iyulun 10-da Türkiyənin Giresun əyalətinin Alucra rayonun Yüksələn kəndində anadan olub.

O, Ermənistanın Azərbaycana qarşı hərbi təcavüzünə, Dağlıq Qarabağın və ətraf rayonların işğalına biganə qalmamışdı. O.Arif məşhur “Ya Qarabağ, ya ölüm!” şeirinin müəllifidir.