Sumqayıtda məktəbdə yanğın olub.
Bu barədə Yeniavaz.com-a Fövqəladə Hallar Nazirliyinin mətbuat xidmətindən məlumat verilib.
Məlumata görə, şəhərdə orta məktəbin yerləşdiyi dördmərtəbəli binanın 3-cü mərtəbəsində 1 otağın giriş qapısı qismən, sahəsi 30 m² olan sinif otağında kitab şkafı və içərisinə yığılmış əşyalar 5 m² sahədə, dəhlizdə 2 ədəd stul və 1-ci mərtəbəsinin dəhlizində masanın üzərində parça örtük yanıb. Binanın qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.
Tətbiqimizi yükləyə bilərsiniz
