Çeçenistan lideri Ramzan Kadırov Rusiyanın qarışıq döyüş növləri ustası (MMA) Həbib Nurməhəmədovun atasına qara “Mercedes” bağışlayıb.

Yeniavaz.com xəbər verir ki, Həbib Nurməhəmədov bu barədə öz “Instagram” səhifəsində məlumat paylaşıb.

İdmançı Çeçenistan başçısına göstərdiyi diqqətə görə minnətdarlıq edib. Nurməhəmmədov Kadırovun “qardaş Dağıstan xalqına” dəstək olan layiqli addımlar atdığını xatırladıb.

Xatırladaq ki, bundan əvvəl Kadırov dayanmadan dörd min dəfə “jim” edən beş yaşlı Rəhim Kuriyevə ağ “Mercedes” bağışlamışdı.