“ABŞ Prezidenti Donald Tramp amerikalı hərbçiləri Suriyadan çıxarma qərarından əvvəl bizimlə məsləhətləşməyib və bu qərardan daha öncə xəbərdar olmamışıq”. Yeniavaz.com xarici KİV-ə istinadla xəbər verir ki, bunu ABŞ Silahlı Qüvvələrinin Mərkəzi Komandanlığının (CENTCOM) komandanı Cozef Votel deyib. Onun sözlərinə görə, İŞİD-in əlində olan torpaqların sahəsi 5 min 180 hektaradək azaldılıb: “Amerika ordusu geri çəkilməzdən qabaq bu sahəni tamamilə İŞİD-dən təmizləyə bilər”. Amerikalı general qeyd edib ki, ABŞ ordusu Suriyadan çıxandan sonra İŞİD daim təhdid olmağa davam edəcək: “İŞİD-in liderləri, silahlıları və qaynaqları öz mövcudluğunu qoruyur. Bu təşkilat təhdid törədən üsyanı təhrik etmək üçün lazımi təchizatlara malikdir. Bu şəbəkə üzərində təzyiqi davam etdirməliyik. Əgər bunu etməsək, yenidən geri qayıda bilərlər”.
Tətbiqimizi yükləyə bilərsiniz
