Ötən il ərzində ölkədə fəaliyyət göstərən 21 sığorta şirkəti tərəfindən yığılan 727,9 milyon manat məbləğində sığorta haqqının yarıdan çoxunu - 54%-ni "Paşa Həyat Sığorta" və "Paşa Sığorta" şirkətləri toplayıb. Yeniavaz.com Maliyyə Bazarlarına Nəzarət Palatasından açıqlanan məlumatlara istinadən bildirir ki, "Paşa Həyat Sığorta" və "Paşa Sığorta" şirkətlərinin topladığı sığorta haqqı 393 milyon manat olub.
Sığorta bazarında ikinci ən böyük pay sahibi "Atəşgah Həyat" və "Atəşgah" şirkətləri hesab olunur. "Atəşgah Həyat" ötən ili 60,1 milyon manatlıq yığımla, "Atəşgah" isə 36,8 milyon manatlıq yığımla başa vurub. Bu şirkətlərin yığdığı sığorta haqları ümumi yığımın 13,3%-ni təşkil edib.
Açıqlanan rəqəmlərdən də göründüyü kimi, sığorta bazarının 67%-dən çoxu 2 şirkətin "Paşa" və "Atəşgah" sığorta şirkətlərinin payına düşür.
Digər 17 şirkət arasında ən çox sığorta haqqı toplayan şirkətlərin ilk 5-liyini 43,4 milyon manatlıq yığımla Dövlət Sığorta Kommersiya Şirkəti tamamlayır.
2018-ci ildə sığorta şirkətləri tərəfindən hesablanmış sığorta haqları və sığorta ödənişləri belə olub:
| Sığortaçının adı | Sığorta haqları | Sığorta ödənişləri |
| “Amrah Sığorta” Açıq Səhmdar Cəmiyyəti | 743.7 | 103.5 |
| “A-Qroup Sığorta Şirkəti” Açıq Səhmdar Cəmiyyəti | 13,169.7 | 8,064.4 |
| “AtaSığorta” Açıq Səhmdar Cəmiyyəti | 22,437.5 | 10,609.8 |
| “Atəşgah Həyat” Sığorta Şirkəti Açıq Səhmdar Cəmiyyəti | 60,107.4 | 14,720.3 |
| “Atəşgah” Sığorta Şirkəti Açıq Səhmdar Cəmiyyəti | 36,805.8 | 20,021.9 |
| “AXA MBASK” Sığorta Şirkəti Açıq Səhmdar Cəmiyyəti | 18,600.7 | 9,562.6 |
| Azərbaycan Respublikası Dövlət Sığorta Kommersiya Şirkəti | 43,388.9 | 14,689.3 |
| “Azərbaycan Sənaye Sığorta” Açıq Səhmdar Cəmiyyəti | 8,138.7 | 2,862.5 |
| “AZSIĞORTA” Açıq Səhmdar Cəmiyyəti | 20,029.7 | 8,095.7 |
| “Bakı Sığorta” Açıq Səhmdar Cəmiyyəti | 1,024.5 | 197.5 |
| “Günay Sığorta” Açıq Səhmdar Cəmiyyəti | 5,836.8 | 3,327.6 |
| “İpək Yolu Sığorta” ASC | 17,003.3 | 1,717.0 |
| “Meqa Sığorta” Açıq Səhmdar Cəmiyyəti | 25,769.1 | 3,648.0 |
| "Naxçıvansığorta" Açıq Səhmdar Cəmiyyəti | 262.7 | 3.3 |
| “Paşa Həyat Sığorta” Açıq Səhmdar Cəmiyyəti | 264,988.4 | 71,045.5 |
| “Paşa Sığorta” Açıq Səhmdar Cəmiyyəti | 128,007.0 | 49,520.3 |
| “Qala Həyat” Sığorta Şirkəti Açıq Səhmdar Cəmiyyəti | 15,897.0 | 12,349.2 |
| “Qala Sığorta” Açıq Səhmdar Cəmiyyəti | 16,557.4 | 1,962.9 |
| “Rəvan Sığorta” Açıq Səhmdar Cəmiyyəti | 1,758.9 | 316.0 |
| “Standard Insurance” Açıq Səhmdar Cəmiyyəti | 12,930.7 | 3,706.6 |
| “Xalq Sığorta” Açıq Səhmdar Cəmiyyəti | 14,496.0 | 3,809.7 |
Tətbiqimizi yükləyə bilərsiniz
