Ermənistan Prezidenti Armen Sarkisyan yeni parlamentin ilk iclasında Nikol Paşinyanın Baş nazir təyin edilməsi haqqında fərman imzalayıb.
Yeniavaz.com Ermənistan KİV-ə istinadla xəbər verir ki, Ermənistan parlamenti yanvarın 14-də ilk iclasını çağırıb. Ölkə Konstitusiyasına əsasən, yeni seçilmiş parlamentdə Baş naziri seçmirlər. Parlament çoxluğunu əldə edən siyasi qüvvə hökumət başçısı vəzifəsinə öz namizədini irəli sürür, ardından onu Prezident təyin edir. Daha əvvəl “Mənim addımım” bloku N. Paşinyanın namizədliyini təklif etmişdi.