Parisdə baş verən partlayışda xəsarət alanların sayı artıb.
Yeniavaz.com xəbər verir ki, bu barədə Fransanın daxili işlər naziri Kristofer Kastaner özünün "Twitter" səhifəsində bildirib.
O, qeyd edib ki, yaralılardan 10-unun vəziyyəti ağırdır. Onlardan biri ağır vəziyyətdədir. Daha 37 nəfərin vəziyyəti orta ağırdır.
DİN rəhbəri partlayışda ölənlərin ailələrinə dəstəyini ifadə edib.
***14:11
Parisin mərkəzində baş vermiş partlayış nəticəsində təqribən 20 nəfər xəsarət alıb.
Yeniavaz.com “RİA Novosti” agentliyinə istinadla xəbər verir ki, bu barədə hüquq-mühafizə orqanlarındakı mənbə deyib. İnsident yerli vaxtla saat 09:00-da, Treviz və Sent-Sesil küçlələrinin kəsişməsində baş verib. Partlayış yerində yanğın olub. Yanğın birinci mərtəbədə yerləşən çorəkxanada qeydə alınıb, qonşu binaların şüşələri sınıb. Hadisənin qaz sızmasından baş verdiyi güman edilir.
***13:05
Fransanın paytaxtı Paris şəhərinin mərkəzində güclü partlayış baş verib.
Yeniavaz.com xarici KİV-ə istinadən xəbər verir ki, Treviz küçəsində baş verən hadisə yerinə təhlükəsizlik və xilasetmə xidmətlərinin qüvvələri cəlb olunub. Partlayış nəticəsində xeyli maddi ziyan dəyib. Polis vətəndaşları ərazidən uzaqlaşmağa çağırıb.