UEFA maliyyə "feyr-pley"i qaydalarını sərtləşdirəcək

UEFA yaxın vaxtlarda maliyyə "feyr-pley"i qaydalarını sərtləşdirə bilər. 

Avropa futbol qurumu mövcud qaydalar üzərində işləmək niyyətindədir. Buna əsasən qitə klubları futbolçu transferi üçün bütün lazımi məbləği maksimum 3 il ərzində ödəməlidirlər. Nəzərdə tutulan addım qüvvəyə minsə, klubların maliyyə feyr-pleyinin tələblərini yerinə yetirməsi çətinləşəcək. 

Qeyd edək ki, Fransanın PSJ klubu 2017-ci ildə Neymarı İspaniya "Barselona"sından 222 milyon avroya transfer edib. Lakin maliyyə sənədlərində bu məbləğ 5 ilə bölünüb. Beləliklə, UEFA hər il Kataloniya təmsilçisinin xəzinəsinə 44,4 milyon avronun köçürüldüyünü nəzərə alır. 

Azərbaycan klublarından "Keşlə" mailyyə "feyr-pley"i qaydalarını pozduğu üçün 2015-ci ildə cəzalandırılıb. (Report)