![](https://cdn.yeniavaz.com/uploadedfiles/custom/2019/1/8/1/fee20a77-2e9c-4bc0-9065-720843715695/senan-qurbanov.jpg)
2018-2019-cu illər mövsümünün ikinci yarısına hazırlıqları Bakıda davam etdirən "Qəbələ"nin məşqçilər korpusunda dəyişiklik baş verib.
Yeniavaz.com klubun saytına istinadən yaydığı xəbərə görə, Zaur Həşimov "qırmızı-qaralar"ın məşqçisi təyin olunub. O, Sənan Qurbanovun rəhbərlik etdiyi məşqçilər korpusunda yer alıb. 38 yaşlı məşqçi ilə ilyarımlıq müqavilə imzalanıb.
Həşimov futbolçu karyerası ərzində "Şəfa", "İnter", "MKT-Araz", "Xəzər Lənkəran", "Qarabağ", "Sumqayıt"da, həmçinin Azərbaycanın əsas və aşağı yaş qruplarında çıxış edib. Komandanın yeni çalışdırıcısı bunadək "Qarabağ" və "Zirə"də məşqçi, Azərbaycanın U-18 yığmasında baş məşqçi kimi fəaliyyət göstərib.