ABŞ Maliyyə Nazirliyi Rusiyada istehsal edilən “Sukhoi Superjet 100” sərnişin təyyarələrinin İrana satışı üçün ixracat sertifikatı verməkdən imtina edib.
Rusiya təyyarələrinin ehtiyat hissələrinin 10%-ə qədəri ABŞ-da hazırlandığı üçün nazirlik bu sövdələşmənin həyata keçirilməsinə icazə verməyib.
İran hava yolları assosiasiyasının təmsilçisi Maqsud Əsədi Samani bildirib ki, hələlik təyyarələrin idxalı haqqında söhbət gedə bilməz. Onun sözlərinə görə, ABŞ-da istehsal edilən ehtiyat hissələrinin əvəzlənməsi xeyli vaxt tələb edə bilər.
Qeyd edək ki, 2018-ci ilin aprelində imzalanmış memoranduma görə, İranın iki aviaşirkəti 2022-ci ilə qədər Rusiyadan 40 ədəd SSJ-100R təyyarəsi almalıdır. (Virtualaz.org)