Avropa Komisiyasının rəhbəri Jan-Klod Yunker Avropa İttifaqının zirvə toplantısının ikinci günündə kifayət qədər qəribə görünən hərəkəti ilə mətbuatın gündəminə düşüb.
Avtomobildən düşdükdən sonra Yunker ona yaxınlaşan qadının saçlarına əl atıb.
Telekanal öyrənə bilib ki, Yunkerin çılğın şəkildə saçlarını qarışdırdığı həmin xanım Avropa Komissiyasının protokol rəhbərinin müavini Pernilla Şelindir.
Yunker kameralara tuş gəldiyinin fərqinə varanda üşüdüyünü göstərməyə çalışıb, daha sonra isə başqa bir qadının əlinə sığal çəkib.
Elə həmin gün Jan-Klod Yunker ABŞ prezidenti Donald Trampla birgə mətbuat konfransının başlaması ərəfəsində gözlənilmədən bir yığın sənədi yerə çırpıb. O, Avropa Şurası rəhbəri Donald Tusku belə mat qoymuş bu hərəkətinə heç bir şərh verməyib.
Bundan bir neçə ay əvvəl (yayda) “Associated Press” Yunkerin NATO sammitində yöndəmsiz yerişinə diqqət çəkmişdi. Britaniyanın “The Sun” nəşri Avrokomissiya rəhbərinin bu vəziyyətinin onun spirtli içkinin təsiri altında olması ilə əlaqəli olduğunu iddia etmişdi. Avropa Komissiyasının rəsmisi Marqaratis Sxinas bu iddiaları təkzib edərək, xəbərin təhqirə bərabər olduğunu bildirmişdi. (oxu.az)
Tətbiqimizi yükləyə bilərsiniz
