İki həkim tanınmış futbolçunun ölümündə şübhəli bilinir

İtaliyanın Florensiya şəhərinin prokurorluğu iki həkimi ehtiyatsızlıqdan “Fiorentina” komandasının futbolçusu Davide Astorinin ölümünə səbəb olmaqda şübhəli bilir.

31 yaşlı kapitanın 2016 və 2017-ci illərdə keçdiyi tibbi müayinələrdə ürəyində ciddi problemlərin olduğu aşkarlanıb. Lakin Florensiya və Kalyaridən olan həkimlər Astoriyə tam sağlam olmasına dair arayış təqdim ediblər.

Qeyd edək ki, Davide Astori bu il martın 4-də “Udineze” ilə İtaliya A Seriyasının XXVII turunun oyunundan əvvəl Udine şəhərindəki oteldə ölü tapılıb. Onun ürək fəaliyyətinin sürətlənməsindən dünyasını dəyişdiyi bildirilir. (report)