Gürcüstanda prezident seçkilərinin qalibi olan Salome Zurabişvili 3-cü və 4-cü prezidentlərin yaşayıb və çalışdıqları iqamətgahda qalmayacaq. Yeni prezident öz administrasiyasını Tiflisin mərkəzindəki “knyaz ailəsi Orbelianilərin sarayı”na köçürməyə hazırlaşır. Onun sözlərinə görə, prezident təvazökar iqamətgahda işləməlidir: “Fikirləşirəm ki, əgər biz avropalı olmaq istəyiriksə, bu saray daha Avropa stillidir, nəinki digər iri bina. O mənə nə isə başqa bir şeyi, başqa sistemi xatırladır”. Zurabişvili, eyni zamanda bildirib ki, “başqa tip” - öz evində yaşayan, piyada gəzən, bazardan ərzaq alan, həmçinin insanlarla görüşən - prezident olmaq istəyir. (qafqazinfo)
Tətbiqimizi yükləyə bilərsiniz
