Bu ilin əvvəlinə olan məlumata görə, Azərbaycanda 62 baş qatır mövcud olub. Yeniavaz.com Dövlət Statistika Komitəsindən açıqlanan məlumatlara istinadən bildirir ki, son bir il ərzində qatırların sayı 17, son 2 il ərizdə 41, son 18 il ərzində isə 74 baş azalıb.
Ötən bir ildə 5 rayonda qatırların sayı artıb, 6 rayonda azalıb, 1 rayonda isə qatırların sayı dəyişməyib. 2016-cı ildə 11 rayonda, ötən il isə 9 rayonda qatır olub.
Ən kəskin azalma Oğuz rayonunda qeydə alınıb. 2016-cı ildə bu rayonda 14 qatır olduğu halda ötən ilin sonunda Oğuzda qatır olmayıb.
Ən çox artım isə Laçın rayonunda qeydə alınıb. Laçında qatırların sayı son bir ildə 3 başdan 11 başa yüksəlib.
Bu ilin əvvəlinə olan məlumata görə, ən çox qatırın olduğu rayon İsmayıllı rayonu olub - 17 baş.
Ən az qatırın olduğu rayon isə Ağsu rayonu olub - 1 baş.
Azərbaycanın şəhər və rayonlarında qatırların sayı:
Şəhər və rayonlar | 2016-cı il (baş) | 2017-ci il (baş) |
Ölkə üzrə cəmi | 79 | 62 |
Şəki şəhəri | 4 | 5 |
Oğuz rayonu | 14 | - |
Astara rayonu | 3 | 2 |
Lerik rayonu | 4 | 8 |
Yardımlı rayonu | 15 | 2 |
Xaçmaz rayonu | 2 | 2 |
Beyləqan rayonu | 2 | - |
Ağcabədi rayonu | 2 | - |
Laçın rayonu | 3 | 11 |
İsmayıllı rayonu | 18 | 17 |
Ağsu rayonu | - | 1 |
Ordubad rayonu | 12 | 14 |
Məlumat üçün qeyd edək ki, əsasən yükdaşımada istifadə olunan qatırlar at və eşşəklərin cütləşməsindən əldə olunur.
Tətbiqimizi yükləyə bilərsiniz
