Trampdan eks-prezidentə qarşı hörmətsizlik - VİDEO

Donald Tramp Şimali Dakota ştatının Farqo şəhərində tərəfdarları ilə görüş zamanı Obamanın fikrinə reaksiya bildirib

ABŞ prezidenti Donald Tramp sələfi Barak Obamanın İllinoys ştatında çıxışına münasibət bildirib.

Obama ənənəni pozaraq onun xələfi tərəfindən həyata keçirilən "dözümsüzlük və bölücü" siyasəti sərt şəkildə tənqid edib.

Obamanın fikrincə, belə hallar Trampdan da əvvəl olub, lakin hazırki prezident siyasətçilərin cəmiyyətdə uzun illər ərzində qaldırdığı narazılıqdan fayda əldə edir.

Bundan bir saat sonra isə Donald Tramp Şimali Dakota ştatının Farqo şəhərində tərəfdarları ilə görüş zamanı Obamanın fikrinə reaksiya bildirib. Hazırkı prezident Obamanın çıxışına qulaq asdığını etiraf edib: "Bu olduqca yaxşı çıxış idi. Onun sədaları altında yatmaq üçün çox yaxşı çıxış". (Sputnik Azərbaycan)