Azərbaycan Dövlət Neft Fondu 2001-ci ildən 2018-ci ilin sentyabr ayının 1-nə qədər “Azəri-Çıraq-Günəşli” (AÇG) neft-qaz yataqları blokunun işlənməsindən 135 milyard 142 milyon dollar gəlir əldə edib.
Fonddan Yeniavaz.com-a bildirilib ki, cari ilin yanvar-avqust ayları üzrə AÇG-dən 6 milyard 656 milyon dollar vəsair daxil olub.
Xatırladaq ki, ötən il “Azəri-Çıraq-Günəşli” yataqlar blokunun 2050-ci ilədək işlənməsi üzrə müqavilə imzalanıb. Layihədə SOCAR-ın payı iki dəfə artırılaraq, 25 faizə çatdırılıb.
Neft-qaz yatağı üzrə digər şirkətlərin iştirak payı isə belədir: Britaniyanın BP şirkəti (30,37% - operator), Chevron (9,56 %) və ExxonMobil -Amerika (6,79 %), ONGC -Hindistan (2,31 %), Inpex Corp. (9,31 %) və ITOCHU Oil - Yaponiya (3,65 %), Statoil - Norveç (7,27 %), TPAO - Türkiyə (5,73%).
Tətbiqimizi yükləyə bilərsiniz
