Moskvada aktyor Sami Naserini döyən belorus Oleq Kazakov bildirib ki, buna səbəb “Taksi” filminin ulduzu və onun dostlarının davranışları olub.
Kazakov deyib ki, Naseri və qardaşı hələ klubda qalmaqal yaradıblar: onlar xidmətdən narazı qalıblar və hesabı ödəməkdən boyun qaçırıblar.
Saxlanılan şəxsin sözlərinə əsasən, dava-dalaşı da ilk olaraq məhz fransızlar başlayıblar. Baxmayaraq ki, o, Naseri və qardaşının əvəzinə hesabı ödəməyi onlara təklif edib.
Qeyd edək ki, hadisə avqustun 4-dən 5-nə keçən gecə yaşanıb. Moskva polisi fransalı aktyoru döyməkdə şübhəli bilinən üç nəfəri saxlayıb.
Sami Naser hadisə nəticəsində xəstəxanaya yerləşdirilmiş və gözündən əməliyyat olunmuşdu. (oxu.az)