Xalq artisti Nazpəri Dostəliyevanın fəlsəfə doktoru elmi adı alması barədə məlumat ölkə gündəmini zəbt edib.
Qeyd edək ki, bu barədə sənətçinin özü "İnstaqram" səhifəsində məlumat yaymışdı.
Lakin Ali Attestasiya Komissiyasının aparat rəhbəri Arif Quliyev xalq artisti Nazpəri Dostəliyevanın elmi dərəcə alması barədə yaydığı məlumatı təkzib edib, ona elmi ad verilmədiyini, hətta özünün imzasının saxtalaşdırıldığını bildirib.
İncəsənət aləmində elmi dərəcəsi olduğunu açıqlayan müğənnilər az deyil.
Yeniavaz.com saytı onların siyahısını təqdim edir.
Əməkdar artist Nüşabə Ələsgərli sənətşünaslıq üzrə fəlsəfə doktorudur. Müğənni jurnalistlərə açıqlamasında 2016-cı ildə elmi iş müdafiə etdiyini bildirib.
Əməkdar artist Lalə Məmmədova da fəlsəfə doktorudur. Müğənni bir müddət öncə diplomunun fotosunu paylaşaraq rəsmən fəlsəfə doktoru olduğunu elan etmişdi. Ona diplom Prezident yanında Ali Attestasiya Komisiyasının aparat rəhbəri Arif Quliyev tərəfindən şəxsən təqdim olunub.
Xalq artisti Arif Babayev professordur, illər öncə müdafiə edib.
Aşıq Samirə də sənətşünaslıq üzrə fəlsəfə doktorudur.
Xalq artisti Mələkxanım Əyyubova isə 2013-cü ildə professor olub.
Xalq artisti Azər Zeynalov professordur.
Əməkdar artist Ədalət Şükürov iqtisad elmləri namizədidir. O, elmi işini 2007-ci ildə Sankt-Peterburqda müdafiə edib.
Tanınnış müğənni Elxan Şirinov dosentdir.
Tətbiqimizi yükləyə bilərsiniz
